Urkundenbuch des Herzogtums Steiermark

‡ In nomine sancte et individue trinitatis, patris et filii et spiritus sancti, amen. ‡ Liͤv­pol­dvs¹ dei gratia dux Austrie et Stirie omnibus presentem paginam inspecturis salutem in perpetuum. Quia ratio iuris nos adhortatur ecclesiarum dei commodum augmentare et quantum possumus de nostris rebus et possessionibus servitium omnipotentis dei, quamdiu vixerimus, ampliare, ut per hoc non solum temporalia, sed eterna bona etiam consequi mereamur. Ea igitur sollicidudine^a inducti scriptis presentibus notum facimus omnibus scire volentibus tam futuris quam presentibus, qualiter nos monasterium Glvͤnick cum omnibus suis iuribus et possessionibus semper defendere, promovere et exaltare * intendimus, ut debemus. * Hinc est, quod nos dictam ecclesiam ab omnibus advocatis * volumus esse liberam et securam, ita ut semper in omnibus suis possessionibus et libertatibus nos et omnes nostri successores, * ubicumque homines vel predia in nostro dominio habuerit, gratis habito respectu solummodo dei et pro salute animarum nostrarum defendere teneamur, et quicumque predium * eidem monasterio contulerit, ad nos tamen advocatia pertinebit, sicut in privilegio ipsius fundatoris videlicet venerabilis ac sanctissimi Ottonis Babenbergensis episcopi est distinctum et confirmatum, et quia etiam nimis esset indignum et indecens, ut ecclesias, quas principes de suis rebus et laboribus fundarent, minores persone in eisdem ecclesiis sibi ius advocatie vel dominii usurparent. Nullus etiam iudicum secularium, tam nostri quam alieni, * in prediis vel hominibus * dicti monasterii * debet aliquam iurisdictionem habere, sed postquam * aliquis reus sanguinis vel in quocumque crimine condempnatus fuerit, sicut cingulum vestes claudit, nostro iudicio assignetur, salva ecclesie omni re mobili et inmobili. * Preterea in terra et in aquis, ubicumque per terras nostras aliquid deduxerint, sive sint ligna vel victualia sive vinum vel alia, quocumque nomine censeantur, * quolibet tempore anni libere sine omni muͦta et exactione ipsos volumus pertransire ¹. Familia etiam nostra cum familia Glvͤnicensi matrimonia libere ac licenter contrahat. Concedimus etiam, quemadmodum felicis memorie consanguineum nostrum marchionem Otakkerum invenimus indulsisse, quod omnes ministeriales terre nostre ac alii nobiles nominis cuiuscumque ea, que a nobis nomine pheodi vel hominii possident, pro remedio animarum suarum Glvͤnicensi cenobio libere delegent ac conferant. Piscaturam etiam in flumine Anesi, ubi possessio ipsorum inchoatur, usque ad Steninge ex utraque parte litoris ac gurgitis ipsis licenter ac libere conferimus. Presenti quoque scripto manifestamus, quod tradidimus ecclesie Glvnicensi per manus domini nostri venerabilis Ottonis Babenbergensis episcopi^b, a quo possedimus iure pheodi illa, que nominatim duximus exprimenda, videlicet possessiones Hvͤlwarn inter duos montes hinc et inde usque in Tiͤvphenbach et in Styer fluvium verum et legitimum terminum habentes, hec omnia cooperatione Vͦdschalci de Chlvͦse, qui nostras res in illis partibus administrabat, ad salutem contulimus monasterio antedicto, ut inde fratres nobis indulgere deberent, quod nos eis vinum ipsorum aput Chremse pro nostra necessitate abstulimus aliquando. Insuper dominus noster Babenbergensis episcopus tradidit predia eadem et confirmavit de nostra bona et libera voluntate, scilicet duos cultos mansus, novalia nemora culta et inculta, et omnia seorsum contigua duos montes usque in Styer et in Tiͤvphenbach undique protendencia cum omni utilitate, que perpetuo ex hiis poterit provenire, et fratres eiusdem ecclesie libere et absque ullo inpedimento illa perpetuo possideant. Ius ² etiam advocatie in sepedictis possessionibus, immo etiam in omnibus prediis et possessionibus, quas episcopi Babenbergenses Glvͤnicense^a cenobio sive in Pirno monte vel in Hage tradiderunt et confirmaverunt, nobis ac posteris nostris taliter duximus retinendum, ut ipsas absque respectu tocius commodi temporalis fideliter defendere atque protegere teneamur ². Ut autem hec omnia per cuncta annorum circula firma et inconvulsa permaneant et a nullo successorum nostrorum infringi valeant, nostri sigilli munimine duximus roboranda testibus subnotatis, quorum hec sunt nomina: Wernhardus³ de Schoͤumberch, Vlricus et Liͤvtoldus de Peka, Hartnidus de Oͤrth, Wulfingus de Chapfenberch, Herrandus de Wildonien, Gvndacherus de Styer, Hertnidus de Ovenstæine, Rudolfus de Stadeke, Erchengerus de Landeser, Otto et Ottakkarus de Greze, Pillunch de Pernstæine, Otto de Volchenstorf, * Duringvs de Plesse, Eberhardus, Rudolfus fratres de Ternperge, Hiltgrimus et Wolfganch de Enstal, Otto, Otakkarus, Imbrich, Marquardus, Rudolfus, Wezilo de Styer, Chvnradus, Liͤvpoldus, Perhtoldus, Herrandus, Vlricus, Otto, Ortolfus et alii multi ³. Acta sunt hec anno dominice incarnationis millesimo centesimo septuagesimo quinto, indictione septima. Data aput Laureacum nonas maii, regnante domino nostro Iesu Christo in eternum; feliciter amen.