is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11403

Titill: 
  • Hugtakið innherjaupplýsingar í skilningi laga nr. 108/2007 um verðbréfaviðskipti
Námsstig: 
  • Meistara
Útdráttur: 
  • Til þess að fjármálamarkaðir séu skilvirkir og traustvekjandi verða að gilda skýrar reglur sem vernda fjárfesta fyrir misnotkun. Samhliða regluverkinu verður að stuðla að skilvirku eftirliti. Í XIII. kafla laga nr. 108/2007 um verðbréfaviðskipti er að finna reglur um meðferð innherjaupplýsinga og viðskipti innherja. Í þessari ritgerð verður farið yfir það regluverk sem gildir um viðskipti innherja, með aðaláherslu á hvað felst í hugtakinu innherjaupplýsingar. Markmið ritgerðarinnar er að varpa ljósi á það hvenær upplýsingar séu þess eðlis að þær falli í flokk innherjaupplýsinga. Reglur um viðskipti innherja þjóna þeim tilgangi að skapa traust á fjármálamörkuðum og stuðla að heilindum þeirra. Efnahagsörðugleikar þeir, sem skekið hafa markaði í Evrópu og Bandaríkjunum undanfarin misseri, hafa valdið því að upp á síðkastið hefur töluvert reynt á reglur og eftirlit með innherjaviðskiptum. Þungamiðja ritgerðarinnar er í 9. kafla, þar sem gert er grein fyrir hugtakinu innherjaupplýsingar. Gildi upplýsinga er skilgreint og hvaða gildi upplýsingar hafa í viðskiptum með fjármálagerninga. Fjallað er um sögulega þróun hugtaksins innherjaupplýsingar áður en hugtakið er skilgreint. Til þess að upplýsingar geti talist innherjaupplýsingar verða þær að vera nægjanlega tilgreindar, þær mega ekki hafa verið gerðar opinberar og verða að vera líklegar til þess að hafa marktæk áhrif á markaðsverð viðkomandi fjármálagerninga. Farið er yfir hvert skilyrði fyrir sig og dómaframkvæmd könnuð. Þá er skilgreint hvað upplýsingar verða að varða til þess að geta talist til innherjaupplýsinga og fjallað um þann greinarmun sem gera verður á milli orðróms og leka. Fjallað er um það þegar aðilar í viðskiptum búa yfir sömu upplýsingum en ákveða að eiga samt sem áður viðskipti með viðkomandi fjármálagerning. Ítarlega er fjallað um Hrd. 17. febrúar 2012 (279/2011), þar sem reyndi í fyrsta sinn fyrir Hæstarétti Íslands á reglur um innherjaviðskipti.

Samþykkt: 
  • 4.5.2012
URI: 
  • http://hdl.handle.net/1946/11403


Skrár
Skráarnafn Stærð AðgangurLýsingSkráartegund 
innherjaupplýsingar - forsíða.pdf105.79 kBOpinnForsíðaPDFSkoða/Opna
Innherjaupplýsingar - ritgerð.pdf654.84 kBOpinnHeildartextiPDFSkoða/Opna