is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/26988

Titill: 
  • Stjórnskipulegt gildi reglugerða um OTC-afleiður og lánshæfismatsfyrirtæki: Felst of víðtækt framsal framkvæmdarvalds í innleiðingu þeirra?
Námsstig: 
  • Bakkalár
Útdráttur: 
  • Fjármálakreppunnar tók fyrst að gæta árið 2007 en hún skall ekki á af fullum þunga fyrr en árið 2008 með neyðarláni bandarískra stjórnvalda til handa Bear Stearns fjárfestingarbankanum í mars. Í september sama ár varð svo fimmti stærsti fjárfestingarbanki heims, Lehman Brothers, kreppunni að bráð og stærsta gjaldþrot í sögu Bandaríkjanna staðreynd. Kreppan sýndi fram á að töluverðir annmarkar væru á framkvæmd og skipulagningu fjármálaeftirlits bæði hérlendis og í allri Evrópu. Eftirlitsstofnanir evrópusambandslandanna fylgdu ekki nægilega eftir aukinni hnattvæðingu fjármálamarkaða og þeirri staðreynd að mörg fjármálafyrirtæki höfðu starfsemi í mörgum löndum sambandsins. Skortur var á samstarfi og samhæfingu eftirlitsstofnananna til að tryggja heilbrigði fjármálamarkaðsins.
    Í viðleitni til að bæta úr þessum ágöllum og endurbyggja traust á fjármálakerfinu voru gefnar út reglugerðir um samhæft eftirlit með fjármálamörkuðum á EES. Í þessari ritgerð var einblínt á það hvort að valdheimildir eftirlitsstofnunar EFTA og eftirlitsstofnunar evrópusambandsins í annars vegar reglugerð um OTC-afleiður, miðlæga mótaðila og afleiðuviðskiptaskrár og hins vegar reglugerð um lánshæfismatsfyrirtæki samræmist 2. gr. stjórnarskrárinnar um þrískiptingu ríkisvalds, þ.e. hvort að um of víðtækt framsal framkvæmdarvalds sé að ræða. Eftir afmörkun valdheimilda sem í reglugerðunum felast, umfjöllun um aðdraganda og eðli EES samstarfsins og heimfærslu þeirra samkvæmt viðurkenndum viðmiðum var komist að þeirri niðurstöðu að ekki væri um of víðtækt framsal framkvæmdarvalds að ræða í skilningi 2. gr. stjórnarskrárinnar.

Samþykkt: 
  • 18.4.2017
URI: 
  • http://hdl.handle.net/1946/26988


Skrár
Skráarnafn Stærð AðgangurLýsingSkráartegund 
BA ritgerð-FINAL_pdf.pdf468.52 kBOpinnHeildartextiPDFSkoða/Opna
forsíða-final.pdf30.95 kBOpinnForsíðaPDFSkoða/Opna
yfirlýsing um meðferð.pdf1.52 MBLokaðurYfirlýsingPDF