is Íslenska en English

Lokaverkefni

Háskóli Íslands > Heilbrigðisvísindasvið > Kandídatsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2950

Titill: 
  • Foreldrafræðslunámskeið. Aðgengi að upplýsingum og ástæða þátttöku íslenskra foreldra
Útdráttur: 
  • Tilgangur rannsóknarinnar var að fá upplýsingar um aðgengi íslenskra verðandi foreldra að upplýsingum um foreldrafræðslunámskeið, ásamt því að komast að ástæðum fyrir þátttöku. Rannsóknin er hluti af stærra verkefni sem felur í sér að skoða notagildi fæðingarfræðslunámskeiða frá sjónarhorni foreldra. Eftirfarandi rannsóknarspurningar voru hafðar að leiðarljósi: Af hverju sækja íslenskir foreldrar foreldrafræðslunámskeið? Og hvert er aðgengi íslenskra foreldra að upplýsingum um foreldrafræðslunámskeið?
    Aðferðafræði rannsóknarinnar var megindleg þar sem upplýsingum var aflað með spurningalistum. Alls var safnað upplýsingum frá 96 einstaklingum, 47 feðrum og 49 mæðrum. Úrvinnsla gagna fór fram í SPSS tölfræðiforritinu.
    Niðurstöður sýna að aðgengi að upplýsingum um foreldrafræðslunámskeið er mjög gott þar sem flestir foreldrar fá upplýsingar um námskeiðin hjá ljósmóður. Tæplega helmingur taldi sig fá góðar útskýringar hjá ljósmóður varðandi innihald námskeiðs. Helstu ástæður fyrir þátttöku voru að þiggja þá fræðslu sem í boði var, til að minnka kvíða og áhyggjur og að heilbrigðisstarfsfólk mælti með námskeiðinu. Stór hluti feðra fór á námskeið vegna hvatningar frá maka. Foreldrum fannst almennt mjög mikilvægt að geta tekið þátt í námskeiðunum.
    Lykilorð eru: Foreldrafræðslunámskeið, fæðing, foreldrar, viðhorf, upplýsingar, þátttaka.

Samþykkt: 
  • 3.6.2009
URI: 
  • http://hdl.handle.net/1946/2950


Skrár
Skráarnafn Stærð AðgangurLýsingSkráartegund 
pd_fixed.pdf4.07 MBOpinnHeildartextiPDFSkoða/Opna