is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4151

Titill: 
  • „Hverjir eru að fara, hvað er að gerast?“ Áhrif uppsagna hjá fyrirtækjum í kjölfar efnahagssamdráttar
Námsstig: 
  • Meistara
Útdráttur: 
  • Tilgangurinn með þessu lokaverkefni var að kanna hvaða áhrif uppsagnir í niðurskurði hafa á þá sem eftir verða í fyrirtækjum frá sjónarhorni stjórnenda sem framkvæmdu uppsagnir. Leitast var við að varpa ljósi á hvaða áhrif uppsagnirnar hafa á starfsánægju, hollustu og líðan en rannsóknir sýna að þessir þættir hafa áhrif á frammistöðu og framleiðni starfsmanna sem sitja eftir í kjölfar uppsagna. Eigindleg rannsóknaraðferð var notuð og viðtöl tekin við átta stjórnendur í jafn mörgum fyrirtækjum þar sem töluverðar uppsagnir höfðu átt sér stað. Fræðilegur bakgrunnur er einkum sóttur til rannsókna og skrifa um niðurskurð. Áhersla er lögð á áhrif á svokallaða eftirlifendur, þá sem ekki fá uppsögn í kjölfar niðurskurðar og hvernig hægt er að lágmarka ófyrirsjáanleg neikvæð áhrif sem niðurskurður hefur. Niðurstöður leiða í ljós að stjórnendurnir upplifa aðdraganda og framkvæmd uppsagna erfiða en eru meðvitaðir um að þær eru óumflýjanlegur þáttur í starfi sínu. Uppsagnirnar hafa ekki haft viðvarandi áhrif á starfsánægju þeirra en vísbendingar eru um að dregið hafi úr starfsánægju hjá hluta starfsmanna sem þeir hafa mannaforráð yfir. Hollusta stjórnenda virðist ekki hafa dvínað en þeir álíta að dregið hafi úr hollustu hjá sumum starfsmanna. Allir stjórnendurnir fundu fyrir vanlíðan í aðdraganda, við framkvæmd og fyrst eftir uppsagnir en báru sig vel þegar viðtöl voru tekin. Þeir álíta að uppsagnir hafi haft áhrif á líðan starfsmanna sem eftir eru.

Samþykkt: 
  • 16.12.2009
URI: 
  • http://hdl.handle.net/1946/4151


Skrár
Skráarnafn Stærð AðgangurLýsingSkráartegund 
MA_ritgerd_Eirika_loka_fixed.pdf470.05 kBOpinnHeildartextiPDFSkoða/Opna