Abstract:
Die toename in komplekse finansiële produkte en dienste wat deur banke gelewer word
vereis veral sedert die 2008 Wêreldwye Finansiële Krisis groter fokus op verbruikersbeskerming
in die banksektor. In hierdie konteks kan vrywillige industriekodes belangrike rol speel om verbruikersbeskerming te verbeter deur in eenvoudige, toeganklike
taal verbruikersregte en -verpligtinge uiteen te sit wat andersins dikwels oor aantal tegniese stukke wetgewing versprei is. Volgens die Wêreldbank is die Suid-
Afrikaanse Kode van Bankpraktyk gepaste maatstaf waarteen ander sodanige kodes
gemeet kan word. Die doel van hierdie bespreking is om die Kodes van Bankpraktyk in
Suid-Afrika en Nigerië te vergelyk ten einde te bepaal in watter opsigte die Nigeriese
Kode hervorm kan word ten einde meer omvangryke beskerming te verleen aan Nigeriese
verbruikers wat gebruik maak van produkte en dienste wat deur banke gebied word.
