Ingredients:
- Ay (chicken egg)
- ober milch (cream)
- taigl (dough)
- Plat (dough sheet)
- meel (flour)
- schmaltz (lard)
- fleischbruee (meat stock)
- Suessen Milch (milk)
- Rosen wasser (rose water)
- Saltzen (table salt)
- zuckher (unrefined cane sugar)
- wasers (water)
- Semmel mehl (wheat flour)
- Ayer dotter (yolk)
Tools:
- schuessel (bowl)
- Pembsel (brush)
- durtten pfann (dutch oven)
- feueer (ember)
- messer (knife)
- messer rueckhen (knife back)
- Pfan (pan)
- Pasteten offen (pie oven)
- loeffel (spoon)
Categories:
Main ingredient: dairyPreparation: flat cakeType: -Willdtu ein Ennglischen dortten machen So Nim ein guetts Semmel mehl ein 2 loeffel vol schlag ein Ay dran vnd Rueers wol Ab darnach schlag mehr ein 4 Ayer drahn Immer eins nach dem [159r] Andern vnd Rueers steet Allso das es wie ein duen gemueß sey vnd thue ein loeffel vol Suesse ober milch dran Nim derselben Suessen Milch in ein Pfan vnd thue gar ein wenig schmaltz dran vnd laß ob dem feueer Aufwallen geueß dan das Abgetriben taigl drein vnd Ruers wol Ab ob dem feueer laß dann sieden biß zu einem Mueßlein wierdt darnach thues Auf ein huelltzene schuessel sihe das kein Romen darunder khumb geues dann ein Rosen wasser darunder offt ein wenig Ruers dan die weil stets mit einem loeffel Kost ob des Saltzen gnug hab darnach thue zuckher darunder biß sueß gnug wird thue denn taig darzu den mach Allso Nimb ein guets Semelmehl schlag ein Ay oder zwej darein vnd laß ein wenig schmaltz vnd darin Aufwallen Ist es den An einem fleisch tag so Nim An des wasers Statt ein fleischbruee Salltz das meel vnd mach den taig Also gar Ab vest vnd druckhen darnach walg [159v] ein gescheueb Plat daraus Kaum eines messer rueckhen dickh vnd fang dan das Auß gewalgt Platt Aussen vmb vnd vmb mit denn fingern das es Kheinel sej vnd das gmueß nit draus Rinen mueg darnach zerschlag einen Ayer dotter mit einem Pembsel vnd bestreich das platt vmb vnd vmb damit Auff dem Rannfft So wierdt es fein gelb darnach schlag das gemueß darauf vnnd eben es mit einem messer das fein eben vnnd glatt werdt sehe dann ein wenig zuckher darauf vnnd setz in den Pasteten offen oder durtten pfann das er nit zu heiß sej vnnd wenn er schier bachen gnueg hatt So Nimb sie herauss See einen zuckher drauf vnnd sprenngs mit einem Rosen wasser vnnd laß Ann die Statt Pachen biß oben feinntruckhen sej vnnd vnndten der taig gnug Pachen ist gib sie dann etc.